Осы мектептің директордың тәрбие ісі орынбасары ретінде Алтаева Баян Саметовнаны үлкен маман иесі деп білемін. Әрқашанда жас мамандарға бойында бар тәлім - тәжірибесімен бөлісіп отырады. Оқушылары білім сапасы бойынша жақсы көрсеткішті көрсетеді. Сыныптан тыс іс-шараларға мұғалім ретінде де, оқушылары да белсене қатысады. Әр оқушының жан дүниесін түсініп, білім нәрін құя біледі. 40 жыл педагогикалық жұмыс өтілінде Баян Саметовна директордың оқу ісі бойынша орынбасары болып та қызмет атқарды. Соңғы жылдары денсаулығының сыр беруіне байланысты ол қызметтен өз еркімен кетуге мәжбүр болды. Ұстаз деген ұлы есім екенін білсек, Баян Саметовна деген есім сол ұлылықтың төрінен орын алары сөзсіз.